20/03/2024წ., ახალქალაქის მუნიციპალიტეტის საკრებულოს სხდომათა დარბაზში საერთაშორისო ორგანიზაცია Heks Eper Georgia – ს და მისი ადგილობრივი პარტნიორი ორგანიზაცია ” სამოქალაქო საზოგადოების ფორმირების ხელშემწყობი ცენტრის ” წარმომადგენლებმა პროექტის “სამოქალაქო საზოგადოების გაძლიერება პოლიტიკურ, სოციალურ და ეკონომიკურ ცხოვრებაში სრულყოფილი და თანაბარი მონაწილეობისთვის”(2022-2025წწ) ფარგლებში გამართეს საინფორმაციო-საანგარიშო შეხვედრა პროექტის ადგილობრივ ბენეფიციარებთან. შეხვედრის მონაწილეებს მიეწოდა ინფორმაცია პროექტის ფარგლებში უკვე განხორციელებული საქმიანობების და მიღწეული შედეგების შესახებ, ასევე ისაუბრეს სამომავლოდ დაგეგმილ აქტივობებზე.
აღნიშნული პროექტი ხორციელდება ევრო კავშირის ფინანსური მხარდაჭერით და მჭიდროდ თანამშრომლობს ახალქალაქის მუნიციპალიტეტის მერიასთან და საკრებულოსთან ურთიერთთანამშრომლობის მემორანდუმის საფუძველზე.